Iss Baadh Mein

Yeh Uttarakhand ke unn logon ko shrdhanjali hai jinhone apne pariwaar,doston ,ghar aur zindagi ko kho dia uss baadh mein…

floodpic13

Kabhi aisa sannaatta bhi dekha hai kya

Jahan itna shor ho cheekhon ka

Ki dhadkan bhi sune na apni hi

Aur sailaab ho bas aansuon ka

 

Main dekh rahi hun ye bikhri duniya

Uttarakhand ki godd mein

Jahan ab shaanti nahi khauf hai

Mandakini hai krodh mein

 

Ek ladka hai yahan mehez saat varsh ka

Din bhar bhatakta hai apni maa ko dhundhta hai

Raat hoti jab toh sehem jata hai

Mitti pe sar rakh kar phir, andhere se aankhein moondta hai

 

Ek dulhan ke libaas mein choti si ladki

Bas kone mein khaamosh si

Na kehti hai kuch na sunti hai

Bas dard mein behosh si

 

Ek maa bhi hai, shayad dekh nahi paati

Bas haath failaaye har jism ko chooti

Ki kahin se shayad uski beti ki khushbu aae

Aur har nakaam din ke baad, woh raat ko roti

 

Ek boodha sa aadmi hai

Jo khud se hi baatein karta hai

Khud hi shor machata

Phir khud hi uss awaaz se darta hai

 

Aisi kayi kahaniya hain yahan

Lakhon siskiyan hain

Har chehre par udaasi aur honton pe sawaal

Humne kya paap kiya hai

 

Har din koi arthi uth jaati hai

Kabhi bhookh kabhi bimari se

Jo zinda hain woh bhi ginn ginn ke le rahe hain saansein

Taaki chalti rahe dhadkan hissedaari se

 

Ye kaagaz jispe likh rahi hun

Ab bheeg gaya hai thoda thoda

Syaahi ghulne lagi hai

Par abhi toh aadha gham bhi unka ismein nahi nichoda

Advertisements

Constructive and genuine appreciation and/or criticism most welcome

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s